By: رعنا تبسم پاشا
وجودِ بے ثبات میں تغیرِ حیات میں
میری منتشر کائنات میں
از کراں تا کراں
زخمِ جگر کے مہکتے گلاب
چشمِ تر کے بے انت چناب
چند تشنہ کام شکستہ خواب
خوش گمانیوں کے لا حاصل سراب
صلہ میری بے لوث چاہتوں کا
ثمرہ میرے دامن میں
صدیوں کی ریاضتوں کا
خلش نا یافت قربتوں کی
مجھ نیم جاں پہ اِک بارِ گراں ہے
میرا رخشِ تصور تھک چکا ہے
مسافتوں کے غبار میں
ہجرتوں کے فشار میں
میری پرواز دم توڑ جاتی ہے
میرے تخیلات کی تابانیوں پہ
سایہ ہے نا رسائیوں کی تاریک زمینوں کا
میرا دل کربِ ذات کے گرہن میں ہے
نہ مرتا ہے نہ جیتا ہے
عالمِ سکرات میں ہے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?