By: Dr Zuhaib Arshad
انجان ہو تم جن باتوں سے
چلو آج تمہیں بتلاتے ہیں
جب آن پڑے مشکل کوئی
ہم پل پل ساتھ نبھاتے ہیں
ہم جان ہتھیلی پر تھامے
حالات سے نہ گھبراتے ہیں
جب جنگ ہو سانسیں دینے کی
ہم موت سے بھی لڑ جاتے ہیں
نم آنکھیں یہ ہو جاتی ہیں
دل خون کے آنسو روتا ہے
جب اشک سنبھالے پلکوں پے
کوئی پھول سا اپنا کھوتا ہے
اپنی تو دعا ہے یہ رب سے
ہر زخم سبھی کا سل جائے
کوئی دنیا میں بیمار نہ ہو
آرام سبھی کو مل جائے
درد کے مارے لمحوں میں
ہم آنکھ بچا کے روتے ہیں
تم لکھ کہو پتھر لیکن
انسان تو ہم بھی ہوتے ہیں
جذبات چھپا کر سینے میں
امراض سے لڑتے رہتے ہیں
ہم پتھر جیسے لوگوں کو
کچھ لوگ مسیحا کہتے ہیں
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?