By: م الف ارشیؔ
عجب سرور تھا اس آنکھ کے اشارے میں
ہم اس کے بعد سے اب تک رہے خسارے میں
پتا میں کیسے بتاؤں کہاں پہ رہتا ہے
ہمیں تو آتا نظر ہے وہ ہر نظارے میں
بھلا میں کیسے کہوں تو ہی میرا حاصل ہے
" کوئی اشارہ تو اب ہوگا استخارے میں "
عجیب شخص ہے وہ تلخیاں بھی رکھتا ہے
مگر وہ پوچھتا ہے سب سے میرے بارے میں
ابھی تو ابتدا ہے خوف کا ہے یہ عالم
ابھی تو آگ بھی بھڑکے گی اس شرارے میں
جلا کے خط بھی وہ سارے ہی خاک کر ڈالے
اور ان کی خاک بھی رکھ دی ہے اک پٹارے میں
گماں سا ہوتا ہے شاید کہیں وہ مل جائے
یہی میں سوچتا رہتا ہوں اس کے بارے میں
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?