By: Dr.Muhammed Husain Mushahid Razvi
سرکار بلا لیجے روضہ کی زیارت کو
چمکایئے بے کَس کی ظلمت زدا قسمت کو
مدت سے مرے دل میں ارماں ہے مرے آقا
اے کاش مدینے کی میں دیکھ لوں طلعت کو
دل نور سے بھر جاے آنکھیں مری ٹھنڈی ہوں
جب گنبدِ خضرا کی میں دیکھ لوں رنگت کو
جالی کے قریں آکر پڑھ لوں میں سلام آقا
سرکار بلالیجے اس طالبِ رویت کو
دم میرا نکل جاے طیبہ میں مرے آقا
تسکین میسّر ہو پژمردہ طبیعت کو
ہیں آپ مرادوں سے آگاہ عطا کردیں
دامانِ طلب میں نے پھیلایا ہے حاجت کو
وہ لوگ یقینا ہی جل جائیں گے دوزخ میں
جو دل میں نہیں رکھتے سرکار کی عظمت کو
جتنے ہیں فدائی سب آجائیں چلے آئیں
سرکار نے کھولا ہے دروازۂ جنت کو
کیا خدشہ مُشاہدؔ کو میزان و سرِ پُل پر
سرکار کی رحمت ہے امت کی شفاعت کو
کچھ ایسا کرم کیجے اس خستہ مُشاہدؔ پر
مصروف رہے ہر پل یہ آپ کی مدحت کو
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?