By: Kamran Asghar
جو دل پہ گزرتی ہے بیاں کرتے رہیں گے
ہم حالِ زبوں سب پہ عیاں کرتے رہیں گے
یاران وطن کا یہ وطیرہ ہے ازل سے
ہر موڑ پہ گنگ اپنی زباں کرتے رہیں گے
جو کچھ بھی گزر جائے وطن پر سو گزر جائے
اعدا پہ اعزا کا گماں کرتے رہیں گے
ہم خاک بھی ہو جائیں تو پنہاں نہیں ہوں گے
مدفن سے بھی خالق کی اذاں کرتے رہیں گے
تم چاہو تو برسات کرو ہم پہ بموں کی
ہم لوگ فقط آہ و فغاں کرتے رہیں گے
اے پاک زمیں جب بھی پڑی تجھ کو ضرورت
ہم تیرے لیے پیش یہ جاں کرتے رہیں گے
افرنگ کی فطرت میں ودیعت ہے یہ اک چیز
یہ آگ لگائیں گے دھواں کرتے رہیں گے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?