By: امام احمد رضاؔ خان علیہ الرحمۃ الرحمٰن
ذرے جھڑ کر تیری پیزاروں کے
تاج سر بنتے ہیں سرداروں کے
ہم سے چوروں پہ جو کرم فرمائیں
خلعت زر بنیں پشتاروں کے
میرے آقا کا وہ در ہے جس پہ
ماتھے گھس جاتے ہیں سرداروں کے
میرے عیسیٰ تیرے صدقے جاؤں
طور بے طور ہیں بیماروں کے
مجرمو ! چشم تبسم رکھو
پھول بن جاتے ہیں انگاروں کے
جان و دل تیرے قدم پر وارے
کیا نصیبے ہیں تیرے یاروں کے
صدق و عدل کرم و ہمت میں
چار شہرے ہیں ان چاروں کے
بہر تسلیم علی میداں میں
سر جھکے رہتے ہیں تلواروں کے
کیسے آقاؤں کا بندہ ہوں رضاؔ
بول بالے میری سرکاروں کے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?