By: Dr.Muhammed Husain Mushahid Razvi
اُن کے الطافِ خسروانہ سے میرے گھر میں نزولِ برکت ہے
مجھ پہ پژمُردگی کیا چھاے گی مجھ پہ جب اُن کی چشمِ رحمت ہے
اُن کے روضے کی بات کیا کہیے ، مرکزِ اہلِ عشق و اُلفت ہے
فیصلہ ہے یہی مرے دل کا ، بالیقیں وہ زمیں پہ جنّت ہے
اُن کے اَخلاق ہی کی خوشبو سے ، زندگی ہے بہار کی حامل
مصطفیٰ جانِ امن کے صدقے ، ہر تشدد جہاں سے غارت ہے
ہے یہ روشن عمل سے آقا کے ، دوسروں کی خوشی ، خوشی سچّی
بے کسوں بے بسوں کے کام آنا ، رحمتِ دوجہاں کی سُنّت ہے
بے حیائی عرب کا کلچر تھا ، رحم و انصاف و عدل عنقا تھے
آپ آے تو سارے عالم میں ، چار سُو الفت و مروّت ہے
صنفِ نسواں کی کچھ نہ تھی وقعت ، زندہ درگور اُس کو کرتے تھے
بنتِ حوّا کو آپ نے بے شک ، بخش دیں عزّت اور عصمت ہے
کچھ نہ اِس کی بساط تھی لوگو! ، نعتِ اکرم جو یہ رقم کرتا
اِس مُشاہدؔ پہ ہے رضا کی نظر ، اِس کا خامہ جو وقفِ مدحت ہے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?