By: Khalid Roomi
ربط کچھ ایسے بڑھے دل کے کہ حیراں وہ گئے
وہ پریشاں ہوگئے تو ہم پریشاں ہوگئے
سر بسر فتنہ روش انداز جاناں ہوگئے
جو نہاں آنکھوں میں تھے شعلے، نمایاں ہوگئے
ایک پل میں تجھ پہ صدقے دین و ایماں ہوگئے
دیکھ کر لاکھوں تیری صورت مسلماں ہوگئے
ان کے الطاف و کرم کی بات کچھ مت پوچھئے
مرحلے جتنے تھے مشکل، سارے آساں ہوگئے
ایک دنیا اب میری تعظیم کو اٹھنے لگی
جب سے وہ میرے فسانے کا ہیں عنواں ہوگئے
تشنگی باقی ہے دل میں اب نہ کوئی ہے خلش
پورے اک اک کر کے سارے دل کے ارماں ہوگئے
ان کو دیکھا تو جنوں سے آشنائی ہوگئی
آج رومی ! ایک سے جیب و گریباں ہوگئے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?