By: UA
چلو کچھ کر دکھاتے ہیں مقدر آزماتے ہیں
کسی انجان رستے پر کسی انمول منزل کی
طلب دل میں لئے آؤ قدم آگے بڑھاتے ہیں
چلو کچھ کر دکھاتے ہیں مقدر آزماتے ہیں
کہیں بے نام رستوں پر کسی گمنام وادی میں
چلے آؤ کہ ہم اور تم کسی دن گھوم آتے ہیں
چلو کچھ کر دکھاتے ہیں مقدر آزماتے ہیں
زندگی ساکت ہوئی آرام طلبی سے
چلو پر شور لہروں کے بھنور کو چھو کے آتے ہیں
چلو کچھ کر دکھاتے ہیں مقدر آزماتے ہیں
زمیں سے آسمانوں تک سفر کرنے کی خواہش میں
ستاروں پر کمند باندھیں چاند کو چھو کے آتے ہیں
چلو کچھ کر دکھاتے ہیں مقدر آزماتے ہیں
سنا ہے دشت و بیابان میں خضر ہی رہنما ہوں گے
خضر کو اپنے کاروان کا رہبر بناتے ہیں
چلو صحرا میں اپنا عارضی خیمہ لگاتے ہیں
چلو کچھ کر دکھاتے ہیں مقدر آزماتے ہیں
چلو کچھ کر دکھاتے ہیں مقدر آزماتے ہیں
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?