By: Daag Dehlvi
نہ روا کہیے، نہ سزا کہیے
کہیے کہیے مجھے بُرا کہیے
پھر نہ رُکیے جو مدعا کہیے
ایک کے بعد دوسرا کہیے
تجھ کو اچھا کہا ہے کس کس نے؟
کہنے والوں کو خیر کیا کہیے
وہ بھی سُن لیں گے یہ کبھی نہ کبھی
حالِ دل سب سے جا بجا کہیے
انتہا عشق کی خُدا جانے
دمِ آخر کو ابتدا کہیے
صبر فرقت میں آ ہی جاتا ہے
پر اُسے دیر آشنا کہیے
آ گئی آپ کو مسیحائی
مرنے والوں کو مرحبا کہیے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?