By: Shabbir Rana
رحمتوں کا خزینہ ذات اس کی
ایک نوری نگینہ ذات اس کی
وہ کہ خالق ہے دونوں عالم کا
زندگی کا قرینہ ذات اس کی
اس نے بھیجے ہیں انبیا ہم پر
رحمتوں کا سفینہ ذات اس کی
نسل در نسل اس کے ہم ممنون
اک مبارک خزینہ ذات اس کی
وہ خداوند ذوالجلال بھی ہے
رفعتوں کا ہے زینہ ذات اس کی
الفتیں، چاہتیں سب اس کے نام
خیر و برکت دیرینہ ذات اس کی
کون جانے کہاں کہاں ہے وہ
اک روحانی آئینہ ذات اس کی
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?