By: سلمٰی رانی
دن کو دیپ جلا رکھا ہے
یہ کیا حال بنا رکھا ہے
جانے والے کب لوٹے ہیں
ان آہوں میں کیا رکھا ہے
مجھ کو پل پل یاد ہے ماضی
تو نے دوست بھلا رکھا ہے
عشق تیری منطق بھی کیا ہے
درد کا نام دوا رکھا ہے
ہرجائی کے پیار میں ہم نے
دل کو روگ لگا رکھا ہے
اس کو کون وفا کہتا ہے
جس کا نام وفا رکھا ہے
آنکھوں کو خاموشی دی ہے
دل میں درد سوا رکھا ہے
ان ہاتھوں کو مت دیکھیں جی
خون کا نام خدا رکھا ہے
شاید لوٹ آئے وہ سلمیٰ
گھر کو آج سجا رکھا ہے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?