By: وشمہ خان وشمہ
عشق خانہ خراب ہوتا ہے
حسن تو لاجواب ہوتا ہے
اس کو پڑھتی ہیں وقت کی آنکھیں
جس کا چہرہ کتاب ہوتا ہے
بن کے بہتا ہے آنکھ میں دریا
آدمی کا جو خواب ہوتا ہے
کوئی کھلتا ہے سرخ گلشن میں
کوئی کالا گلاب ہوتا ہے
تیرے آنے سے اب تو ہر جانب
موسموں پر شباب ہوتا ہے
اس میں بہتے ہیں درد کے موتی
آنکھ میں جو چناب ہوتا ہے
جس میں تصویر ہو تری وشمہ
خوبصورت وہ باب ہوتا ہے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?