By: رشِید حسرتؔ
آپ نے جو کی ہے وُہ ہے شاعری بھی شاعری
دِل لگی کی دِل لگی، دِل کی لگی کی شاعری
سِیدھی سادھی زِندگی تھی لت پڑی ایسی ہمیں
مے سے ہم نے کر لیا پہلُو تہی، پِی شاعری
ہم نے اِک چھیدوں بھرا اُن کو دِیا تھا لوتھڑا
دِل اُنہوں نے کیا دِیا، گویا کہ دی تھی شاعری
ہم تو حضرت عِشق کے در کے گدا تھے، کُچھ نہ تھے
چل پڑی پِیچھے ہمارے آپ بی بی شاعری
نِیم شب دِل کے درِیچے پر ہُوئی دستک کوئی
ہم نے پُوچھا کون؟ بولی وہ کہ "جی جی" شاعری
کِس قدر دُشوار رستوں سے گُزرنا پڑ گیا
کر سکے ہرگز نہ ہم تو مُصحفیؔ سی شاعری
ہم نے اِس کو زِندگی کا قِیمتی حِصّہ دِیا
کر سکی ہے کب ہماری دست گِیری شاعری
آنکھ ہے وِیراں جزِیرہ، اور بنجر سی زمِیں
شعر کے سانچے میں رکھی ہم نے بھیگی شاعری
اِک ذخِیرہ بٹ رہا تھا وحشتوں کا شہر میں
آ گئی حسرتؔ کے حِصّے میں بھی پِیلی شاعری
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?