By: dr.zahid sheikh
آج تنہائی کے لمحات کہاں
مجھ سے اب میری ملاقات کہاں
فکر فردا میں مبتلا ہو کر
چین کا دن سکوں کی رات کہاں
زندگی میں کئی مسائل ہیں
وہ ترے خواب و خیالا ت کہاں
دل میں الفت کے ساز ٹوٹ گئے
لب پہ پہلے سے وہ نغمات کہاں
چمپئی دن ہیں سرمئی راتیں
پر مچلتے ہوئے جزبات کہاں
اک تغیر ہے ہر گھڑی رقصاں
زندگی میں ہمیں ثبات کہاں
میں کہ ذرہ حقیر سا زاہد
اور ساری یہ کائنات کہاں
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?