By: Muhammad Faisal
جب سے ہوئی کسی کی نظر کچھ نہ پوچھئے
کس حال میں ہیں قلب و جگر کچھ نہ پوچھئے
گردش میں کیوں ہیں شام و سحر کچھ نہ پوچھئے
کس واسطے ہیں شمس و قمرکچھ نہ پوچھئے
لینا تھا جو بھی کام لیا چشمِ ناز سے
بسمل کا کیوں ہے حال دگرکچھ نہ پوچھئے
ہم نے درونِ دل ہی کیا رازِ دل نہاں
کیسے ہوئی جہاں کو خبرکچھ نہ پوچھئے
اشکِ رواں میں ڈھل گیا خونِ جگر تمام
دامن میں لعل ہیں یا گہرکچھ نہ پوچھئے
کس کی طلب ہے لے چلی دامن کشاں ہمیں
چھانے ہیں کیوں یہ دشت و نگرکچھ نہ پوچھئے
فیصلؔ کسی کی یاد میں دیوانہ ہو گیا
اس دل رُبا کا حال مگر کچھ نہ پوچھئے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?