By: Gulzareen Pasha Zareen
میرے آقا مدینے میں بلا لیں تو قرار آئے
در اقدس پہ جا کے سر جھکا لیں تو قرار آئے
بھٹکتا پھر رہا ہوں کب سے میں گمگشتہ راہوں میں
وہ رستہ سبز گنبد کا دکھا دیں تو قرار آئے
رواں ہیں قافلے طیبہ پڑا ہوں میں یہاں تنہا
مجھے بھی ہمسفر ان کا بنا لیں تو قرار آئے
نہیں ہیں آنکھیں گر میری یہ پیر مہر علی جیسی
تصور میں ہی وہ مکھڑا دکھا دیں تو قرار آئے
یہی ہے آخری خوائش یہی دل کی تمنا ہے
یہ نعتیں جا کے خود در پر سنا لیں تو قرار آئے
کہاں پھرتا رہے زریں شکستہ دل لئے اپنا
اسے بھی کالی کملی میں چھپا لیں تو قرار آئے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?