By: خرم شاہ جی
مکاں پہ بھاری ہے وہ لامکاں پہ بھاری ہے
ترا فقیر ہے اور دو جہاں پہ بھاری ہے
اک ایسی بات ہے جو اب زباں نہ روک سکے
اک ایساتیر ہےجو اب کماں پہ بھاری ہے
حسب نسب سے ہی انکار کرنے والا ہوں
میں ایک بوجھ ہوں جو رفتگاں پہ بھاری ہے
یہ پیڑ ٹوٹ رہا ہے ثمر کے آتے ہی
کہ اپنی جان یہاں اپنی جاں پہ بھاری ہے
فقیر لوگ ہیں اور درد دل کا رکھتے ہیں
ہماری جھونپڑی عالی مکاں پہ بھاری ہے
میں خاکدان پہ راضی تو آسمان میں خوش
وہاں پہ بوجھ تھا میں تُو یہاں پہ بھاری ہے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?