By: Nasir Rizvi
آئے جو تیرے ساتھ میرا نام غم نہ کر
سر لے میری طرح سے یہ الزام غم نہ کر
لگتی ہیں اہلِ دل پہ زمانے کی تہمتیں
لکھا ہے یہی عشق کا انجام غم نہ کر
بچھتا رہے گا یونہی یہ پہروں کا سلسلہ
بچھتے رہیں گے اور بھی کچھ دام غم نہ کر
تو ب ھی میری طرح سے اندھیروں کو روک لے
سہہ لے خوشی سے تلخی ایام غم نہ کر
تو بھی ان آنسوؤں کو ستاروں کا نام دے
میں بھی نہ رکھوں آہوں سے کچھ کام غم نہ کر
راہوں کے پیچ و خم رہیں ٹھوکر کی نوک پر
رکھنا ہے ہمیں حوصلہ ہر گام غم نہ کر
ممکن نہیں کہ صبح کا ستارہ طلوع نہ ہو
ٹھہری کہاں ہے آ کے کوئی شام غم نہ کر
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?