By: Dr.Muhammed Husain Mushahid Razvi
طیبہ کے تاجدار پہ لاکھوں سلام ہو
محبوبِ کردگار پہ لاکھوں سلام ہو
اُس پہلے سجدے پر ترے، قلبی دُرود ہو
اُمّت کے غم گُسار پہ لاکھوں سلام ہو
روضہ کی جالیوں پہ ہزاروں دُرود ہو
گنبد پہ اور مَنار پہ لاکھوں سلام ہو
اُس مُشک آسا عرقِ بدن پر دُرود ہو
ہر مُوئے خوشبودار پہ لاکھوں سلام ہو
آقا کی بے مثالی پہ بے مِثل ہو دُرود
رب کے وہ شاہ کار پہ لاکھوں سلام ہو
نُوری بشر پہ دل سے نُوری دُرودہو
اُس نورِ کردگار پہ لاکھوں سلام ہو
اُس سیرِ لامکاں پر اعلیٰ دُرود ہو
اُس رفعت و رفتار پہ لاکھوں سلام ہو
اُنگلی کے پانیوں پہ پڑھو، کوثری دُرود
انگشتِ فیض بار پہ لاکھوں سلام ہو
اوصافِ مصطفیٰ پہ قرآنی دُرود ہو
ممدوحِ کردگار پہ لاکھوں سلام ہو
جس دل کو شوقِ دیدِمدینہ،وہ خوش نصیب
طیبہ کے انتظار پہ لاکھوں سلام ہو
کہتا رہے مُشاہدِؔ رضوی بصد خلوص
طیبہ کے تاجدار پہ لاکھوں سلام ہو
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?