By: Dr.Muhammed Husain Mushahid Razvi
ظلمتوں کا دور تھا جب
تاریکیاں تھیں ہر طرف
فکرو نظر مسموم تھے
علم وتہذیب کا گلستاں
رنگ وبُو سے خالی تھا
فتنہ وشر تھا ہر طرف
رُوحِ امن واماں ہی کیا
رُوحِ انسانیت بھی تھی
جاں بلب جہاں بھر میں
بُت پرستی عروج پر تھی
زنا، فحاشی، بے حیائی،
شراب نوشی بھی عام تھی
دخترانِ حّوا کو
زندہ در گور کرنا
تہذیب کا ایک حصہ تھا
دیکھ کر یہ کفر وشرک
یہ تاریٖکیاں ، یہ گمراہیاں
رحمتِ خداوندی
جوش پر آہی گئی
اُس نے بھیجا اس جہاں میں
’’ نور ‘‘ اور ’’ روشن کتاب ‘‘
جس نے آکر اس جہاں میں
پھیلائی وحدانیت کی مستی
مٹائی دنیا سے بت پرستی
ساتھ ساتھ اُن کے تھا
بلند حوصلگی اور یقین واعتماد کا
ایک لشکر ِجرّار
جس سے شکست کھاگئیں
تاریکیاں، گمراہیاں
اور نور پھیلا ہر طرف
اَخلاق کا، ایثار کا
اَخلاق کا، ایثار کا
اسلام کا، ایمان کا
اسلام کا، ایمان کا
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?