By: Shahzad anwar khan
اپنی تقدیر آزمانے کو
کوئی سکّہ اچھال دیتا ہے
ہاتھ پھیلا اسی کے آگے وہ
مشکلوں سے نکال دیتا ہے
دوست کہ کر پکارتا ہے مجھے
اور مصیبت میں ڈال دیتا ہے
نیکی کرکے کوئی جتاتا ہے
کوئی دریا میں ڈال دیتا ہے
اسکا کردار داغدار مگر
آئینے کی مثال دیتا ہے
کامیابی پہ یوں نا اتراؤ
وہ عروج و زوال دیتا ہے
زندگی ایک نغمہ ہے جسکو
سر کوئی کوئی تال دیتا ہے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?