By: UA
کون گنگنا رہا ہے
کون گیت گا رہا ہے
یہ میری سماعت میں
کون رس گھلا رہا ہے
کون ہے جو وحشتوں میں
زمزمے لٹا رہا ہے
کون ہے جو ظلمتوں میں
روشنی دکھا رہا ہے
کون تنہائی میں آ کے
میرا دل بہلا رہا ہے
کون اک مرکز پہ رہ کے
دنیا نئی دکھا رہا ہے
کون یہ سپنوں میں کر
نیند سے جگا رہا ہے
کون ہے جو بارہا
نگاہ میں سما رہا ہے
کون ہے جو ہر گھڑی
نئی امنگ جگا رہا ہے
کون تخیل میں آ کے
خواب کو سجا رہا ہے
کون ہے جو ہر قدم پہ
راستہ دکھا رہا ہے
چپکے چپکے کون ہے
جو تیرے پاس آ رہا ہے
کون ہے عظٰمیٰ جو تیری
زندگی بنا رہا ہے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?