By: م الف ارشیؔ
یوں بھی ملنے ملانے میں ذرا سی دیر لگتی ہے
یہاں سے آنے جانے میں ذرا سی دیر لگتی ہے
ندامت ہو اگر تم کو تو رب سے پھر کرو باتیں
جہاں سر کو جھکانے میں ذرا سی دیر لگتی ہے
گزر جاتی ہیں عمریں ایک گھر تعمیر کرنے میں
مگر اس کو گرانے میں ذرا سی دیر لگتی ہے
بہت دشوار ہے دل میں کسی کو یوں بسا لینا
نظر سے پھر گرانے میں ذرا سی دیر لگتی ہے
بہت سا درد ہوتا ہے مجھے خود کو رلانے میں
یہاں ہنسنے ہنسانے میں ذرا سی دیر لگتی ہے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?