By: muhammad nawaz
بہت تھا ناں تم کو ناز دل پر
پلک جھپکتے میں کھو گیا ناں ؟
وہ وقت کا اک حسیں شگوفہ
نظر میں تارے سمو گیا ناں؟
خیال اسکا ۔ نکھار اس کا
وہ مہکا مہکا خمار اس کا
سمے کے ہر اک گزرتے پل میں
جنوں کے جگنو پرو گیا ناں؟
وہ جو بہاروں کا تھا چمن سا
وہ اک اجالا کرن کرن سا
وہ تیرا مخمور بانکپن سا
سبھی پرایا سا ہو گیا ناں؟
جو لے کے آیا تیرے معانی
وہ جس کی تو نے قدر نہ جانی
وہ جاتے جاتے تیری رگوں میں
وفا کے موسم سے بو گیا ناں؟
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?