By: UA
ڈاڈی دیر ہو گئی اے
ہن تے سویر ہو گئی اے
چن نوں تک کے
تارے گن کے
ساری رات لنگائی سی
چن دا چانن تکدے تکدے
ویکھ ہنیر فیر ہو گئی اے
ہن تے سویر ہو گئی اے
نیناں دے بوہے بند کر کے
میں دل دی کھڑکی کھولی سی
نین جھروکے دے وچ تیری
دید دی آنکھ مچولی سی
ویکھ اوڈیک دی رات گھنیری
آ کے فیر کھلو گئی اے
ہن تے سویر ہو گئی اے
بوہے دی چوکھٹ نوں تکدے
ساری راتی جگدے جگدے
نیناں دی ادھ کھلی اے کھڑکی
اک واری فیر سوں گئی اے
ہن تے سویر ہو گئی اے
ڈاڈی دیر ہو گئی اے
ہن تے سویر ہو گئی اے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?