By: M Usman Jamaie
آج کی رات بھی
نیند نے میری پلکوں پہ دستک نہ دی
رات چُپ چاپ کمرے میں ٹھیری رہی
کب کی خاموش یادوں کی سرگوشیاں
لطف کی ساعتیں، میری مدہوشیاں
سارے منظر غضب کے، بھلائے ہوئے
خودفراموشیاں
بند آنکھوں میں جلنے سلگنے لگیں
تھک گئیں کروٹیں
بچھ گئیں سلوٹیں
شور بننے لگیں یاد کی آہٹیں
”فیس بُک“ کے دریچے پہ میں آگیا
ہیلو اور ہائے کی کھڑکیاں کُھل گئیں
ایک مدت کے بچھڑے ہوئے یار دل دار ملنے لگے
وہ، بہت دور تھے جو
(سمندر کے اس پار)
ملنے لگے
پھر سے ملنے کے اقرار ملنے لگے
پوسٹیں دیکھتے، تبصرے دیکھتے
”نامہئ دوستی“ اور ”پیغام“ کے دائرے دیکھتے
میں نے بے خوابی کو اپنی بہلالیا
”فیس بُک“ شکریہ
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?