By: Waheed Mughal
پچھلے برس برسات کا موسم
مہکی مہکی ہر بات کا موسم
حسین لمحوں کی یادیں بھی
بھیگی بھیگی ملاقاتیں بھی
تنہائی میں ہنستے رہنا بھی
ہر آہٹ پر گھبرانا بھی
چوری چوری منڈیر پر آکر
تمہیں سامنے نہ پا کر
بے چین نگاہوں کا ہونا بھی
چپکے چپکے رونا بھی
خود سے باتیں کرنا بھی
کچھ کہتے کہتے ڈرنا بھی
رات کے پچھلے پہر تک
کبھی کبھی سحر تک
تکیے تلے رکھے ہوئے
خط تمہارے لکھے ہوئے
پڑھنا بھی تمھیں یاد کرنا بھی
کئی کئی راتیں جاگتے رہنا
تیرے عکس کی نظر اتارتے رہنا
مجھے یاد ہے
پچھلے برس برسات کا موسم
مہکی مہکی ہر بات کا موسم
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?