By: dr.zahid sheikh
زندگی اوروں کی خاطر جو نہیں مر جائیے
گر سفر بیکار ہو تو لوٹ کے گھر جائیے
راحت جاں کا سبب ہوساری دنیا کے لیے
کام ایسا موت سے پہلے کوئی کر جائیے
وصل کی گھڑیوں میں چہرے سے عیاں ہے کشمکش
کوئی الجھن ہے تو پھر اے میرے دلبر جائیے
سلطنت فقر کو گر جاننے کا شوق ہو
تو فقیروں سے ملاقاتوں کو اکثر جائیے
نت نئے فتووں سے مولانا ہویئ ہے خیر بھی؟
ان سے تو بس پھیلتا ہے اور بھی شر ،،جائیے
مل سکا نہ دل کی بے چینی کو اک لمحہ قرار
آزمائے در سبھی اب “ اس “ کے در پر جائیے
ہر طرف پھیلا ہوا ہے گرچہ دہشت کا ماحول
جب خدا پر ہے بھروسہ کس لیے ڈر جائیے
آج ہے اور کل نہیں ہو گی ہمارے واسطے
ایسی دنیا کے لیے زاہد کیوں مر مر جائیے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?