By: Anwar Kazimi
جو کبھی چمپا ، چنبیلی ، رات کی رانی لگی
آج جب وہ پاس سے گزری تو انجانی لگی
ہو کے کچھ محتاط اُس نے صرف اتنا ہی کہا
شکل صورت آ پکی کچھ جانی پہچانی لگی
ہم سمجھتے تھے کہ بس ہم پر ہے سب دیوانہ پن
بات جب نکلی تو وہ لڑ کی بھی دیوانی لگی
جاتے جاتے اُسکا وہ مڑ مڑ کے پیچھے دیکھنا
دید کے قابل ہمیں خود اپنی حیرانی لگی
ہم نے تو عرصہ ہوا صحرا نوردی چھوڑ دی
دشت سے اچھی ہمیں اِس دل کی ویرانی لگی
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?