By: Ehsan Danish
جب رخ حسن سے نقاب اٹھا
بن کے ہر ذرہ آفتاب اٹھا
ڈوبی جاتی ہے ضبط کی کشتی
دل میں طوفان اضطراب اٹھا
مرنے والے فنا بھی پردہ ہے
اٹھ سکے گر تو یہ حجاب اٹھا
شاہد مئے کی خلوتوں میں پہنچ
پردۂ نشۂ شراب اٹھا
ہم تو آنکھوں کا نور کھو بیٹھے
ان کے چہرے سے کیا نقاب اٹھا
عالم حسن سادگی توبہ
عشق کھا کھا کے پیچ و تاب اٹھا
ہوش نقص خودی ہے اے احسانؔ
لا اٹھا شیشۂ شراب اٹھا
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?