By: Aisha Baig Aashi
جنوں آسیب بن کر کھا گیا ہے
مرے وجدان کو ڈر کھا گیا ہے
روانی پانیوں کی کہہ رہی ہے
کئی صحرا سمندر کھا گیا ہے
مری ہستی مری سوچیں مرا دل
مرا سب کچھ مرا گھر کھا گیا ہے
لہُو روتے ہُوئے سورج کو دیکھا
مری آنکھیں وہ منظر کھا گیا ہے
سحر ہوتے ہی دیکھا آسماں کو
اجالا سارے اختر کھا گیا ہے
میں چُھونا چاہتی ہُوں آسماں کو
مگر پنجرہ مرے پر کھا گیا ہے
کوئی کائی کا مارا دفن ہو گا
کہ مرقد سنگِ مر مر کھا گیا ہے
نہ کر پائی مری تدبیر کچھ بھی
مجھے عاشی مقدر کھا گیا ہے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?