By: وشمہ خان وشمہ
تِیر پھینکا ہوا کمان سے آج
زندگی تو ابھی گمان سے آج
زور چلتا نہیں وفاؤں کا
کیا محبت کے کاروان سے آج
ساتھ رہتا ہے روح کا پنچھی
کچھ تو ایسا مری اڑان سے آج
کیسے باتوں سے دلکشی جھانکے
جب یہ دردِ دہن زبان سے آج
تیری خواہش میں ٹوٹتا ہے بدن
جانے کیا کیا ترے جہان سے آج
سرخ ہونٹوں کو چومتی کرنیں
سب نگاہوں کی داستان سے آج
عزم و ہمت کی داستاں وشمہ
میری کشتی کے بادبان سے آج
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?