By: wasim ahmad moghal
یہ دل دریا سمندر۔۔۔۔۔۔۔۔ ہوگیا ہے
ترے غم کے برابر۔۔۔۔۔۔۔۔۔ہو گیا
اُسے اب تم سے کچھ مطلب۔۔ نہیں ہے
ترا مجنوں قلندر۔۔۔۔۔۔۔۔۔ ہوگیاہے
ترا دستِ دعا۔۔۔۔۔۔۔۔ اُٹھتا نہیں ہے
مگر دیدہ یہ کیوں تر۔۔۔۔۔۔۔ ہو گیا ہے
اُسے بھی مجھ پہ دے مارو۔۔۔۔۔۔ اُٹھا کر
ترا دل بھی تو پتّھر۔۔۔۔۔۔۔۔ہو گیا ہے
سراپا خیر جو کہتا تھا ۔۔۔۔۔۔۔۔۔مجھ کو
وہ ہر خوبی سے منکر۔۔۔۔۔۔۔ہو گیا ہے
قدم بوسی نہ تم کرنا ۔۔۔۔۔۔۔۔کسی کی
جسے دیکھو قد آور ۔۔۔۔۔۔۔ہو گیا ہے
وہ جس کو پیار سے دیکھا ۔۔۔۔کسی نے
وہ قسمت کا سکندر ۔۔۔۔۔۔۔ہو گیا ہے
وہ جس نے چکھ لیا ہے ۔۔۔۔۔۔آگہی کو
محبّت کا شناور۔۔۔۔۔۔۔۔۔ ہو گیا ہے
جسے میں پھول سمجھا تھا ۔۔۔۔۔عزیزو
وہ ہی کانٹا مقّدر۔۔۔۔۔۔۔۔ ہوگیا ہے
وہ ہی جو تھا کبھی۔۔۔۔۔۔ ۔تیرا مصوّر
وہ ہی اب تیرا شاعر۔۔۔۔۔ ہو گیا ہے
وہ جب سے دیکھ کر آیا ہے ۔۔۔۔تم کو
فقیہ ِشہر کافر۔۔۔۔۔۔۔۔۔ہو گیا ہے
اُدھر میں یاد فرمایا ۔۔۔۔۔۔۔گیا ہوں
اِدھر بندہ یہ حاضر۔۔۔۔۔۔ ہوگیاہے
ادھر بھی آیئے تشریف ۔۔۔۔رکھیے
یہ دل بھی آپ کا گھر۔۔۔۔ہو گیا ہے
مجھے کیوں چین اب پڑتا ۔۔۔نہیں ہے
مرے آقا یہ کیوں کر ۔۔۔ہو گیا ہے
وہ پھر سےموم ہو سکتا ہے۔۔۔ جاناں
جو تیرے غم میں پتّھر۔۔۔ہو گیا ہے
جو میرے پاس تھا مٹی کا ۔۔۔۔برتن
ترے چھونے سے ساغر۔۔ ہوگیا ہے
ذہن میں جب سے ہے۔۔چہرہ تمہارا
مرا دل بھی منوّر۔۔۔۔۔۔ ہو گیا ہے
تصور میں ہے جس کے۔ تیری خوشبُو
وہ خود خوشبُو کا پیکر۔۔۔۔۔ہوگیا ہے
لئے بیٹھا ہے جو تصویر۔۔۔۔۔ تیری
وہ خود تصویر کیوں کر۔۔۔ ہو گیا ہے
اب اِس کو کاٹنا ممکن ۔۔۔۔نہیں ہے
یہ پودا اب تن آور ۔۔۔۔۔ہو گیا ہے
ہے کس کی بولتی آنکھوں کا ۔۔جادو
وسیم احمد سخنور۔۔۔۔۔۔ ہو گیا ہے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?