By: کامران حامد
کل رات تیری یاد کو ہم نے بٹھایا اور بس
تکتے رہے مہتاب کو کچھ یاد آیا اور بس
شکوے کئی تھے تھے کئی ہم کو گلے اس نے مگر
ملتے ہی یوں معصومیت سے مسکرایا اور بس
پیشانیوں پر تھی شکن غصے سے یوں سب لال تھے
پھر ایک دم اس نے نظر کو یوں جھکایا اور بس
دیکھا جو اس نے ہجر کو اک روز اپنے خواب میں
جھنجھلا اٹھے پھر نیند سے ہم کو جگایا اور بس
اے یار جب تک تھی نہیں بے پردگی سب ٹھیک تھا
اس نے یکایک چہرے سے چہرہ ہٹایا اور بس
تم جو گئے تھے ہاتھ یوں ہم سے چھڑا کر کیا کہیں
بند سینہ میں جو تھا پرندہ پھڑپھڑایا اور بس
اپنے کلاموں کا سبب اب ہم بتائیں بھی تو کیا
اک روز حامدؔ ان سے تھا یوں دل لگایا اور بس
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?