By: Dr.Zahid Sheikh
اداس ہو گی بہت اب نہ مسکرائے گی
کسی بھی طور مری زیست کٹ ہی جائے گی
سبب بتا نہیں سکتا میں اپنے اشکوں کا
کسی کو بات مری نہ سمجھ میں آئے گی
میں مانتا ہوں شرافت بڑی ہے چیز مگر
بنے شریف تو دنیا تمھیں ستائے گی
سماج دے گا تمھیں ہر قدم پہ زخم نئے
تمھاری نیکی تمھارے نہ کام آئے گی
یہ میرے آنسو نہیں خون دل کے قطرے ہیں
خبر نہ تھی کبھی تقدیر یوں رلائے گی
میں فلسفوں میں ہی کھو جاؤں اب یہ بہتر ہے
یہ جانتا ہوں کہ دنیا نہ مجھ کو بھائے گی
میں سادہ دل ہوں مگر سادگی سے کیا پایا
نہ راس پہلے یہ آئی نہ راس آئے گی
ہے انتظار مجھے اب تو موت کا زاہد
کبھی تو آکے غموں سے مجھے چھڑائے گی
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?