By: Prof Niamat Ali Murtazai
مٹی ول کیہہ ویکھنا بیلی مٹی میل دی بھین
ویکھیئے نت یار دے ولے ملے سکون تے چین
یاری لائیے مولا دے نال ملے ودھیر ودھائی
یار دے باہجوں ککھ نئیں دنیا ہور نئیں گل کائی
سجناں دے بن دن نہ بیتن۔ نا ہی بیتن رین
پھلاں وچوں سولاں دسن، راگ سنیچن بین
سجن میرے دل دا جانی، سچا پیار ہے اس دا
رکھے ہر دم وچ پناہ دے، درشن دیوے مکھ دا
سجن آپے یاری لاوے ، آپے توڑ چڑھاوے
آپے سُٹے آتش دے وچ ، آپے آن بجھاوے
سجن دسے ہر شے وچوں، رکھ نظر دا پردہ
پردے اندر رہ کے سارے کم اوہ ظاہر کردا
پھلاں، کنڈے ، اتھرو، ہاسے ، سب کج انہدے ولوں
انہدے در توں منگن والے تھڑ دے نا ں کسے گلوں
رب دے اگے مرتضائیؔ عجز و عجزی ہوئیے
چنگے مندے عملاں پاروں اسدے اگے روئیے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?