By: عبداللہ فاران
میں نے غربت کے چہرے پر بدبختی کا سوال دیکھا ہے
قسمت کی دہلیز پر ننگے جسموں کو بے حال دیکھا ہے
دیکھا ہے میں نے ہر عروج کے مقدر میں تنزّل کو
تاریخ کے صفحات پر کسرٰی کا زوال دیکھا ہے
دیکھا ہے میں نے دہشت کے مارے بچھتی لاشوں کو
فاقوں کی جنگ لڑتے جذبوں کا ارتحال دیکھا ہے
اونچے محلوں میں بیٹھ کر بدبختی کا چرچا کرنے والے
کیا غربت کی چکی میں پستے مفلس کا حال دیکھا ہے؟
مرے دیس میں ناداری ہے، بے حالی ہے
مگر امید کا میں نے نیا اک سال دیکھا ہے
دیکھا ہے میں نے مستِ مئے اطہر ہوا فارانؔ
میں نے خودی میں جھومتا اقبال دیکھا ہے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?