By: وشمہ خان وشمہ
اپنے ہی رستے میں ہوں میں در بدر
یہ زمانہ بن گیا ہے بازی گر
شہرِ خوباں میں گزاری زندگی
اپنی ہستی پر محبت اوڑھ کر
نوحہ خوانی میں مری جاتی ہوں میں
" کوئی آتی ہی نہیں اچھی خبر"
ہم فقیروں کی ہے اپنی زندگی
شہر کے سردار کی اپنی ڈگر
ان گنت شعروں میں کوئی شعر تو
میرے مجموعے میں ہو گا پر اثر
جو بھی لکھا آنسوؤں سے لکھ دیا
قصہ ءِ الفت ہے جاناں مختصر
آج ہے یہ جان کی دشمن مگر
کل تو وشمہ جائے گی قسمت سنور
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?