By: وشمہ خان وشمہ
شام جی بھر کے جب رلاتی ہے
تری صورت ہی یاد آتی ہے
میں بھی سنتی ہوں زندگی کی مگر
زیست تیرے ہی گیت گاتی ہے
مسکاں دیکھوں جو تیرے ہونٹوں پر
میرے چہرے پہ لوٹ آتی ہے
میرے مالک یہ ماجرہ کیا ہے
کیوں یہ دنیا مجھے جلاتی ہے
اس کو پوچھے خدا کرے کوئی
میرے شعروں کو جو چراتی ہے
ایسا جادو وہ کر گیا مجھ پر
یاد آنکھوں میں جگمگاتی ہے
چاند اترا ہے گیت سننے کو
وشمہ آنگن میں گنگناتی ہے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?