By: دستگیر نواز
پھول جھڑتے ہیں مسکرانے میں
بات مشہور ہے زمانے میں
جو بھی کہنا ہے صاف کہہ دیجے
کیا ملے گا تمہیں چھپانے میں
جارہا ہوں عروج کی جانب
دوست مصروف ہیں گرانے میں
ہم نے دیکھا نہیں کوئی تم سا
خوب ماہر ہو دل چرانے میں
میں ہی کردار ہوں کہانی کا
ذکر میرا نہیں فسانے میں
اس کی گلیوں سے میرے کوچے تک
دن گزرتا ہے ٓانے جانے میں
کیا کریں گے نواز ہمدردی
وہ جو ماہر ہیں دل جلانے میں
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?