By: Perveen Shakir
اِک نہ اِک روز تو رخصت کرتا
مجھ سے کتنی ہی محبت کرتا
سب رُتیں آ کے چلی جاتی ہیں
موسم غم بھی تو ہجرت کرتا
بھیڑیے مجھ کو کہاں پا سکتے
وہ اگر میری حفاظت کرتا
میرے لہجے میں غرور آیا تھا
اس کو حق تھا کہ شکایت کرتا
کچھ تو تھی میری خطا، ورنہ وہ کیوں
اس طرح ترکِ رفاقت کرتا
اور اُس سے نہ رہی کوئی طلب
بس میرے پیار کی عزت کرتا
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?