By: dr.zahid Sheikh
تمھارے دل کا تو ہم نے نظارہ دیکھ لیا
غضب ہمارے لیے سب تمھارا دیکھ لیا
منافقت سے حقیقت تمھاری کھل تو گئی
تمھارے دل میں جو کینہ تھا سارا دیکھ لیا
پڑا جو وقت تو سب نے ہی ساتھ چھوڑ دیا
ہے کون دوست جہاں میں ہمارا دیکھ لیا
گرا دیا کسی گہری سی کھائی میں تم نے
تھا جس پہ مان ہمیں وہ سہارا دیکھ لیا
اب اعتبار کروں بھی تو کس طرح تم پر
مکاریوں کو تمھاری دوبارہ دیکھ لیا
ہو دشمنوں سے ملے یہ بھی ہم نے جان لیا
انھیں جو چھپ کے کیا وہ اشارہ دیکھ لیا
چلو یہ اچھا ہوا آنے والے طوفاں سے
بچے گی جان کہ زاہد کنارہ دیکھ لیا
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?