By: رئیس امروہوی
اب دل کی یہ شکل ہو گئی ہے
جیسے کوئی چیز کھو گئی ہے
پہلے بھی خراب تھی یہ دنیا
اب اور خراب ہو گئی ہے
اس بحر میں کتنی کشتیوں کو
ساحل کی ہوا ڈبو گئی ہے
گل جن کی ہنسی اڑا چکے تھے!
شبنم بھی انہیں کو رو گئی ہے
کل سے وہ اداس اداس ہیں کچھ
شاید کوئی بات ہو گئی ہے
شاداب ہے جس سے کشت ہستی
وہ بیج بھی موت بو گئی ہے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?