By: hamid raza khan
دل سے ان کو بھلا کے دیکھ لیا
زخم پر زخم کھا کے دیکھ لیا
بوجھ ہلکا ہوا کہاں دل کا
لاکھ آنسو بہا کے دیکھ لیا
مجھ سے چاہو کہ میں نہ دیکھوں تمہیں
خود تو نظریں چرا کے دیکھ لیا
میں بمشکل بھلا سکا تھا تمہیں
تم نے کیوں مسکرا کے دیکھ لیا
غیر تھے جو وہ غیر ہی نکلے
ہم نے اپنا بنا کے دیکھ لیا
گر گئے آپ اپنی نظروں میں
دل رضا نے لگا کے دیکھ لیا
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?