By: Ruqayyah Maalik
اشک غم کا ہیں جب مداوا تو ہے
میری آنکھوں میں یہ جلن کیوں ھے
اب کہ چہرہ بھی دیکھ کر ان کا
میرے ماتھے پہ اک شکن کیوں ھے
سوچتی ھوں بھری جوانی ھے
پھر بھی اعصاب میں تھکن کیوں ھے
جو چھلنی کرے زمیں دل کی
تیرے لہجے میں وہ چبھن کیوں ھے
پہلے یاری تھی یار باغوں سے
ہم کو صحرا سے اب لگن کیوں ھے
تجھ سے مل کر سوال یہ سوجھا
اب کہ ہجراں سا یہ ملن کیوں ھے
جھیل کہتی ھے دیکھ کر ان کو
مجھ میں کھلتا ھے جو' سمن کیوں ھے
تیرے لفظوں کی رہنمائ ھے
پھر بھی رستہ ہر اک کٹھں کیوں ھے
اس پہ جل جل کے دل جلا اپنا
اپنی دنیا میں وہ مگن کیوں ھے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?