By: Dr.Zahid Sheikh
مری وفاؤں کا اچھا صلہ دیا مجھ کو
بس ایک پل میں نظر سے گرا دیا مجھ کو
ہے احترام بھی دل میں مرے ، محبت بھی
پھر اپنے در سے بتا کیوں اٹھا دیا مجھ کو
یہ میری سادہ دلی تھی کہ پیار کر بیٹھا
کیوں اپنی ذات کا عادی بنا دیا مجھ کو
مری تو زیست میں پہلے ہی بے شمار ہیں غم
اب اپنے غم کی بھی سولی چڑھا دیا مجھ کو
یہ سوچتا ہوں کہ تجھ کو نہ بھول پاؤں گا
اگرچہ تو نے تو دل سے بھلا دیا مجھ کو
بتا دے جاؤں کہاں تیری بے رخی پا کر
کیوں زہر ہجر کا تو نے پلا دیا مجھ کو
مری طرح سے نہ تجھ کو کوئی بھی چاہے گا
کبھی یہ سوچے گی تو کیوں گنوا دیا مجھ کو
تری وفا کا بھرم کاش کھل نہ پاتا کبھی
حسین خوابوں سے آخر جگا دیا مجھ کو
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?