By: وشمہ خان وشمہ
اور رکھا ہے کیا زمانے میں
آشیاں پیار کا جلانے میں
عہدِ ماضی کی یاد زندہ ہے
میرے دل کے غریب خانے میں
میں تو قیدی ہوں دشتِ فرقت کی
کیا تردد ہے اسکو آنے میں
اُس کی یادوں کی لاش زندہ ہے
دل کی دنیا کے آستانے میں
اک انا ہی تو پاس تھی میرے
وہ بھی چل دی ہوں اب لٹانے میں
اپنا چہرہ ہے مشتہر ہی بہت
غم چھپانے کو ، مسکرانے میں
زہر پی کر بھی اِس محبت کا
درد رہتا ہے ہر فسانے میں
آج اُس کا بھی ہاتھ ہے وشمہ
میری وحشت کو پھر جگانے میں
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?