By: Dr. Masood Mehmood Khan
دن الیکشن کے نزدیک آنے لگے
لوگ سپنوں کی دنیا بسانے لگے
وہ جو جیتے تو دنیا بدل جائیگی
ان کے حامی یہ نعرے لگانے لگے
اپنے تقریر سے ایسے مرعوب ہوئے
کہ ہتھیلی پہ سرسوں جمانے لگے
نعرہ بازوں کی ٹولی میں جو گھر گئے
وہ انہی جیسے نعرے لگانے لگے
سادہ دل ان کی باتوں میں آتے گئے
اور جلسوں کی رونق بڑھانے لگے
ایسے شعلے اٹھے ان کی تقریر سے
لوگ اپنے گھروں کو جلانے لگے
بینروں سے شہر کوسجاکر مسعود
شہریوں کو گلے سے لگانے لگے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?