By: Taj Rasul Tahir
خدا کرے کہ وہ آب و ہوا نہ راس آئے
صنم کو غیر کا وہ آسرا نہ راس آئے
ہمارا کیا ہمیں جینا ہے اور جی لیں گے
ستم ظریف کو مہرو وفا نہ راس آئے
ذرا سا چین ہمارے نصیب میں نہ رہا
اسے قرار کا وہ واسطہ نہ راس آئے
ہمیں جلا کے وہ خود آپ اپنی آگ جلے
اسے فرار کا وہ راسطہ نہ راس آئے
ستم کہ شہر خموشاں بنا دیا دل کو
اسے وہ رونق شہر جدا نہ راس آئے
ہزار بار بہاروں کا گزر ہو لیکن
اسے چمن کی وہ باد صبا نہ راس آئے
خدا کرے کہ وہ آ جائے لوٹ کے طاہر
دیارِ غیر کی اسکو فضا نہ راس آئے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?